ستانکزی: د افغانستان اقلیم د یو شمېر هېوادونو له لوري خراب شوی

د بهرنیو چارو وزارت سیاسي مرستیال کابل کې یوې غونډې ته ویلي، د افغانستان اقلیم د یو شمېر هېوادونو له لوري خراب شوی او نړۍ د دې مسئولیت لري، چې چاپېریال ساتنې برخه کې له افغانستان سره مرسته وکړي. نوموړي ویلي، که نړۍ د اقیلمي بدلون برخه کې خپل مسوولیت ترسره نه کړي له افغانانو سره لویه جفا کوي. هغه زیاته کړې، چې سرپرست حکومت د نړۍ مهمو هېوادونو سره د مثبتو اړیکو غوښتونکی دی او نه غواړي افغانستان یو ځل بیا نورو هېوادونو سره په تقابل کې واقع شي. نوموړي دې ناسته کې له نړېوالو غوښتي، چې د چاپېریال ساتنې او اقلیمي بدلون برخو کې له افغانستان سره مرسته وکړي.