د غزني ولایت د بدني روزنې او ورزش امریت مسوولینو ویلي، چې د دغه ولایت په مرکز کې د ۲۰ لوبډلو ترمنځ د فوټسال سیالۍ پیل شوې دي. د سرچینې د مالوماتو له مخې د فوټسال دغه سیالۍ د غزني ښار په مولا علي جمنازيوم کې ترسره کېږي او یوه میاشت به دوام وکړي. د دې سیالیو په لومړۍ ورځ د اتحاد شهرستان او قهرمانان لوبډلو ترمنځ سیالي ترسره شوه, چې اتحاد شهرستان لوبډلې خپلې سیالې لوبډلې ته څلور د دوو پر وړاندې ماتې ورکړه. د غزني د بدني روزنې او ورزش امریت مسوولین وایي، چې له یادو سیالیو څخه موخه د ورزشکارانو ترمنځ یووالی او دوی ته د تفریح رامنځته کول دي.
- Trending
- Comments
- ورستی
