د راپورونو له مخې د اوکراین په زاپوریژیا ښار د روسیې په برید کې د وژل شویو کسانو شمیر ۸ تنو ته رسیدلی دی. د اوکراین د بیړنیو خدمتونو ادارې پرون په یوه بیان کې ویلي، چې په دې برید کې ۲۲ کسان ټپیان شوي هم دي. د دې ادارې په خبره، ژغورونکي تراوسه د پیښې په ځای کې عملیات مخ ته وړي. روسیې په دې وروستیو کې د اوکراین پر ښارونو او د انرژۍ پرتاسیساتو د بې پیلوټه الوتکو او توغندیو بریدونه زیات کړي دي. ورته مهال د اوکراین ولسمشر ولادیمیر زیلینسکي تېره ورځ له خپلو متحدینو وغوښتل چې د لسو او دولسو ترمنځ د هوایي مدافعې نور پټرویټ سیسټمونه ورکړي څو وکولای شي چې د روسیې د بریدونو په وړاندې خپل هوایي قلمرو په بشپړه توګه خوندي کړي.
- Trending
- Comments
- ورستی
