د افريقايي هېوادونو د كډوالو دوه بېړۍ د تونس په سیفکس ښار كې ډوبې شوي چې په پایله كې يې د ښځو او ماشومانو په ګډون ۲۴کسان مړه شوي او ۸۳کسان ژغورل شوي دي. د تونس ساحلي ساتونکو چارواکو ویلي، چې ۱۵ ټپیان د طبي مرستو لپاره روغتون ته لېږدول شوي دي، په داسې حال کې چې مړه شوي او ژغورل شوي نور کسان د ساحلي ساتونکو چارواکو ته سپارل شوي دي. ډېری وخت د هغو کډوالو په کښتيو کې پېښې رامنځته کېږي، چې په ناقانونه توګه اروپا ته د رسېدو هڅه کوي. تېره مياشت د تونس ساحلي ساتونکو چارواکو په دوو جلا پېښو کې د ۳۰کډوالو مړي موندلي وو.
- Trending
- Comments
- ورستی
