د چين د بېجينګ اوپرا ملي کمپنۍ ټولو ځوانو هنرمندانو په دې وروستيو کې د چين دولت رئيس شي جين پينګ ته د يو پيغام په استولو سره د بېجينګ اوپرا هنر د میراث ساتنې په اړه مالومات ورکړي. رئيس شي جین پينګ د روانې میاشتې په ۱۰مه نېټه په ځوابي پيغام کې د دې کمپنۍ د جوړېدو د ۷۰مې کلیزې په مناسبت یادو ځواني نو هنرمندانو ته نيکې هيلې څرګندې کړې.
رئيس شي جین پينګ په ځوابي پيغام کې ويلي: د بېجينګ اوپرا ملي کمپنۍ له جوړېدو راهيسې د ګوند ادبي او هنري اصول او تګلارې پلې کړې، ډېرې کلاسيکې نندارې يې جوړې کړې، ډېر غوره هنري استعدادونه يې روزنه کړي او د چين د اوپرا باغ ته يې ځلانده رنګونه ورکړي دي. ده ویلي: زه هیله لرم چې تاسو به په نوې زمانۍ کې د مشهورو پخوانیو هنرماندانو ښو دودونو ته پرمختګ ورکړئ، د ادب او هنر د سوکالۍ او د ځواکمن کلتوري هېواد د جوړولو لپاره به خدمتونه وکړئ.
