د چين د دولتي شورا مطبوعاتي دفتر د جنورۍ په ۲۱مه نېټه د ملي اقتصاد د لاسته راوړنو په اړه يوه خبري ناسته تر سره کړه. د چين د صنعت او معلوماتي ټيکنالوژۍ وزارت د معلوماتي او مخابراتي پرمختګ ادارې مشر شيې څون په دغه ناسته کې خبريالانو ته وويل، په چين کې د پنځه جي د بنسټيزو شټېشنونو شمېر ۴ میليونه او ۲۵۰ زرو ته رسېدلی او د ګيګابيټ (Gigabit) کاروونکو شمېر له ۲۰۰ میليونو څخه اوښتی دی.
چين په تېر ۲۰۲۴م کال کې د نويو معلوماتي بنسټيزو تاسيساتو ابادي پياوړې کړې او د معلوماتي او مخابراتي چارو د عصري کېدو بهير يې چټک کړی او د انټرنيټي بنسټونو ظرفيت او ټيکنالوژيکي صنعت توان يې ډېر لوړ کړی دی.
