تورخم کې د افغان او پاکستاني ځواکونو تر منځ نښته شوې

په تورخم کې د افغان او پاکستاني ځواکونو ترمنځ تېره شپه شاوخوا دولس نیمې بجې را منځته شوې ده. سیمه ییزې سرچینې وايي، دواړو لورو پر یو بل د سپکو او درنو وسلو ډزې هم کړي خو تر دا مهاله د اوښتو زیانونو په تړاو معلومات نه دي ورکړل شوي. دا نښته داسې مهال را منځته شوې چې پرون افغان او پاکستاني لوري د تورخم دروازې د پرانیستلو په موخه ناسته هم کړې وه خو بې پایلې پای ته ورسېده.