چين؛ تر ۲۰۳۰ کال پورې ۹۰ میلیونه هکتاره ځمکه په لوړ معیار ابادوي

چين په پام کې لري چې تر ۲۰۳۰ کال پورې ۹۰ میلیونه هکتاره کرنيزې ځمکې په لوړ معيار سره ابادې کړي. د چين حکومت پرون د يکشنبې په ورځ د خوراکي توکو د امنيت تامينولو لپاره په لوړ معيار د کرنيزو ځمکو د پراختيا پلان پرانست. د دغو پلانونو له مخې، چين به هڅه وکړي چې تر ۲۰۳۵ کال پورې ټولې «حقېقي بنسټيزې دايمي ځمکې» په لوړ معيار کرنيزو ځمکو بدلې کړي. چين په نړۍ کې د تر ټولو زيات نفوس لرونکي هېواد په توګه له کلونو راهيسې د کرنې وړ ځمکې په ښه والي او پرمختګ تمرکز کوي، چې د خوراکي توکو امنيت تامين کړي او د کرنيزو محصولاتو پر وارداتو تکيه کمه کړي.