د چين د سوداګرۍ وزارت د اپريل په لومړۍ نېټه يو لړ شمېرې خپرې کړې چې له مخې يې، د روان کال په جنورۍ او فبرورۍ کې د دغه هېواد د خدمتي صادراتو او وارداتو عمومي ازښت ۱۳۰۹.۵۶ ميليارډه يوانو ته رسېدلی او د تېر کال د همدې مودې په پرتله يې ۹.۹ سلنه زياتوالی موندلی دی.
د اړوندو شمېرو له مخې، د روان کال په جنورۍ او فبرورۍ کې د چين د خدمتي صادراتو ارزښت ۵۴۹.۵۸ ميليارډه يوانو ته رسېدلی چې ۱۳ سلنه زیاتوالی ښيي؛ د خدمتي وارداتو ازښت يې ۷۵۹.۹۸ ميليارډه يوانو ته رسېدلی چې ۷.۸ سلنه زياتوالی ښيي. د خدمتي سوداګرۍ منفي بيلانس ۲۱۰.۴ ميليارډه يوانو ته رسېږي چې د تېر کال د همدې مودې په پرتله ۸.۳۳ ميليارډه يوانه کم شوی دی.
