د اختر ورځو کې د ترافیکي پېښو له امله ۳۰ کسان مړه شوي

د کورنیو چارو وزارت د ترافیکو عمومي ریاست ویلي، چې د روژې مبارکې میاشتې له ۲۹مې د کوچني اختر تر درېیمې په ټول هېواد کې ۸۰ ترافیکي پېښې رامنځته شوې دي. دغه ریاست په یوه خبرپاڼه کې ویلي، چې دغو پېښو کې د دوو ښځو او نهو ماشومانو په ګډون ۳۰ تنه مړه شوي او د اتو ښځو او ۳۰ ماشومانو په ګډون ۱۵۵ تنه نور ټپیان شوي دي. د خبرپاڼې له‌مخې، تېر کال بیا د اختر په څلورو ورځو کې په ۹۸ ترافیکي پېښو کې ۵۰ تنه مړه شوي وو او ۱۸۵ نور ټپيان وو.