د سرپرست حکومت ویاند ذبیح الله مجاهد پر خپله اېکس پاڼه په یوه لیکلي بیان کې ویلي، چې د بهرنیو چارو سرپرست وزیر امیرخان متقي سعودي عربستان ته په سفر تللی دی. نوموړي په لیکلي بیان کې سعودی عربستان ته د امیرخان متقي سفر د خپلمنځي ښو اړېکو د لا پیاوړتیا لپاره یو مهم ګام بللی دی. ښاغلي مجاهد سعودي عربستان د امیرخان متقي د سفر په اړه نور جزییات نه دي ورکړي، خو په خپرو شویو ویدیوګانو او انځورو کې ښکاري چې ښاغلی متقي په عمره بوخت دی او د سعودي امنیتي کسان یې بدرګه کوي.
- Trending
- Comments
- ورستی
