د لغمان ولایت د پوهنې ریاست مسوولینو خبر ورکړی، چې تېرکال د دغه ولایت په مرکز او ولسوالیو کې د سرپرست حکومت او موسسو په مالي ملاتړ ۳۱ ښونځي بیا رغول شوي دي. د یاد ولایت د پوهنې رئیس مولوي شاه ساجد له رسنیو سره په مرکه کې ویلي، چې په تېر ۱۴۰۳ کال کې یې ۲۶ ښوونځي د سرپرست حکومت او ۵ نور د موسسو په مالي ملاتړ د ۱۵ میلیونه ۴۴۲ زره افغانیو په لګښت بیا رغولي دي. نوموړي زیاته کړې، چې د ښوونځیو بیا رغولو او سرپناه جوړولو په موخه یې ګړندۍ هلې ځلې پیل کړې دي او په روان کال کې به د ۱۵ نورو ښوونځیو بیا رغونه هم وشي.
- Trending
- Comments
- ورستی
