د وروستیو راپورونو له مخې تر دې دمه په ټوله نړۍ کې ۱۰۱۵۴۶۶ کسه په کرونا اخته شوي دي. د مړو شوو کسانو شمېر ۵۳۱۹۰ ته رسېدلی دی. همدا راز ۲۱۲۲۲۹ له دې ناروغۍ بېرته جوړ شوي دي. امریکا لا هم د مثبتو پېښو له اړخه د لېست په سر کې ده. په دغه هېواد کې تر اوسه ۲۴۵۰۶۶ کسه په کرونا اخته شوي او ۶۰۷۵ کسه یې مړه کړي دي. په ایټالیا کې یې ۱۳۹۱۵ کسه مړه کړي او ۱۱۵۲۴۲ کسه ورباندې اخته دي. هسپانیا کې یې ۱۰۳۴۸ کسه مړه کړي او ۱۱۲۰۶۵ ورباندې اخته دي. ورپسې جرمني، چین،فرانسه، ایران او برېتانیا تر ټولو ډېرې مثبتې پېښې لري.