خیبر پښتونخوا کې دوه پاکستاني عسکر وژل شوي دي

د خیبر پښتونخوا په بونیر سیمه کې په وسله وال برید کې دوه پاکستاني سرتیري وژل شوي او یوبل ټپي شوی دی. پاکستاني چارواکو ویلي چې دغه پېښه پرون سوات ته نږدې ایلم غره کې رامنځته شوې ده. چارواکي وايي، وسله وال برید هغه مهال شوی چې پاکستاني سرتیري په یاده سیمه کې په عملیاتو وتلي و. د سوات چارواکو همدارنګه زیاته کړې چې د وسله والو بریدګرو د نیولو په هدف سیمې ته تازه دمه ځواکونه رسېدلي دي .د برید مسؤلیت د تحریک طالبان پاکستان ډلې په غاړه اخیستی او وايي شپږ پاکستاني سرتیري یې وژلي دي.