د ترکیې د بهرنیو چارو وزارت خبر ورکړی چې د اسلامي همکاریو سازمان د کرونا ناروغۍ او ځینو نورو مسایلو په اړه بیړنۍ ځانګړې غونډه کوي. د اناتولي خبري اژنس د خبر له مخې سبا چهار شنبه به د ترکیې په غوښتنه د اسلامي همکاریو سازمان د غړو هېوادونه د بهرنیو چارو وزیرانو تر منځ د ویډیو کنفرانس له لارې غونډه جوړه شي. د ترکیې د بهرنیو چارو وزارت ویلي چې په غونډه کې به د کرونا ناروغۍ پر وړاندې د اسلامي هېوادونو پر ګډې مبارزې او په دې برخه کې پر یوالی خبرې وشي. پر کرونا ناروغۍ د نړۍ په بېلابېلو هېوادونو کې تر اوسه پورې دوه میلیونه او ۵۰۰ زره کسان اخته شوي او ۱۷۰ زره نور یې مړه کړي دي.
- Trending
- Comments
- ورستی
