د افغانستان د بهرنیو چارو سرپرست وزیر ویلي چې دمګړۍ په افغانستان کې د ګڼو هېوادونو سفارتونه پرانیستي دي او شمېر یې ورځ تر بلې په ډېرېدو دی. متحده عرب اماراتو تازه په کابل کې خپل سفارت پرانیستی دی او دغه راز المان هڅه کوي په نږدې راتلونکې کې په کابل کې خپل سفارت بېرته پرانیزي. خو تر اوسه پورې هېڅ هېواد ا.ا په رسمیت نه دی پېژندلی. له رسمیت پېژندلو پرته د سفارتونو پرانیستل په څه مانا دي؟ د نوې لارې په دې خپرونه کې مو پر همدې موضوع خبرې کړې دي. د بحث مېلمانه مو دي د سیاسي چارو شنونکی حکمت الله حکمت او په بهر کې مېشت پخوانی دیپلومات او حقوقي سلاکار عزیز معارج. بشپړه خپرونه دلته اورېدلای شئ.
- Trending
- Comments
- ورستی
