د سينهوا اژانس د خبر له مخې، د سوداګرۍ نړيوال سازمان کې د چين دايمي استازي لي چنګ ګانګ د جون په ۱۳مه نېټه د سويس په جنيوا کې د ياد سازمان د وزيرانو دولسم کنفرانس د چاپيريال ساتنې په اړه يوې خبري ناستې کې وويل چې نړۍ د ننګونو پر وړاندې د مقابلې لپاره د ټولو هېوادونو ګډو هڅو او همکاريو ته اړتيا لري. چين به د نړيوال سازمان په چوکاټ کې له نورو غړو سره په ګډه د پلاستيک د ککړتيا د مخنيوي او کنټرول لپاره هلې ځلې وکړي او اړوندو کارونو ته به وده ورکړي.
نوموړي زیاته کړه، چې چين د پلاستيک د ککړتيا مخنيوي ته ډېر اهميت ورکوي او د ياد سازمان لومړی غړی هېواد دی، چې د پلاستيک د ککړتيا د مخنيوي لپاره يې اړين تدبيرونه نيولي دي.
(ژباړه: شکريه)
