په ایران کې؛ د کرونا ویروس له امله رامنځ ته شوي ګواښونه په ډېرېدو دي

تازه ایراني رسنیو ویلي چې د ویروس له امله د وژل شوو کسانو شمېر پنځو ته رسېدلی او ۲۸ کسه نور ورباندې اخته دي. د ایران په څو ښارونو کې پوهنتونونه او ښوونځي رخصت شوي دي او ایرانی حکومت وایي چې ګڼ اړین تدابیر به ونیسي. همدا راز غونډې، سپورتي لوبې، نندارې او کنسرتونه هم بند شوي دي. دا پنځه کسه ټول په قم ښار کې وژل شوي خو په تهران او نورو ښارونو کې هم پر کرونا د اخته کسانو راپور ورکړل شوی دی.