د لوګر امنيتي مسوولين وايي، د دغه ولايت د مرکز پل علم اړوند په التمور سيمه کې د هاوان د یوې سرګلولې د چاودنې له امله څلورو ماشومانو ته مرګ ژوبله اوښتې ده. د یاد ولایت د اردو د څلورمې پلې لوا وياند وايي، چې تېره ورځ مازدیګر ناوخته د پل علم په التمور سيمه کې څلورو ماشومانو خپلو کورونو ته بوټي وړل چې په لار کې يې يوه د هاوان سرګلوله پیدا كړې وه. هغه زياته کړه ماشومانو په سرګلولې لوبې کولې چې چاودنې یې کړې او په پایله کې یې ۲ ماشومان وژل شوي او ۲ نور ټپیان دي. نوموړی وايي، د پېښې ټپيان د امنيتي کسانو له خوا ولايتي روغتون ته لېږدول شوي چې روغتیايي حالت يې ډاډمن ښودل شوی دی.
- Trending
- Comments
- ورستی
