د اسټرالیا کرکټ لوبډلې د ټېسټ نړیوالې اتلولۍ پایلوبه کې هند ته د ۲۰۹ منډو په توپیر ماته ورکړه او د لومړي ځل لپاره د ټسټ سیالیو نړیواله اتله شوه. اسټرالیا په دغه لوبه کې هند ته د ۴۴۴ منډو هدف ورکړی و چې د هند لوبډلې یې په ځواب کې د ټولو لوبغاړو په سوځېدو یوازې ۲۳۴ منډې جوړې کړې. اسټرالیا د خپلې توپوهنې په لومړۍ پاڼۍ کې ۴۶۹ منډې او دویمه پاڼۍ کې یې ۲۷۰ منډې جوړې کړې وې چې ورپسې هند لوبډلې خپله توپوهنه کې لومړی ۲۹۶ او دویمه پاڼۍ کې یې یوازې ۲۳۴ منډې جوړې کړې. د لوبې غوره لوبغاړی د اسټرالیا ترافېز هېډ ونومول شو چې لومړۍ پاڼۍ کې یې ۱۶۳ منډې جوړې کړې وې.
- Trending
- Comments
- ورستی
