د امریکا د بهرنیو چارو وزارت وایي دمګړی طالبانو تاوتریخوالي ته ادامه ورکړې ده او پر افغان ځواکونو بریدونه کوي. ددغه وزارت ویانده مورګان اورتاګوس وایي د سولې هوکړې له مخې طالبان اړ دي چې د تاوتریخوالي په کچه کې د پام وړ کموالی راولي، خو دوی په ډېرو سیمو کې لا هم جګړو ته ادامه ورکړې ده. نوموړې وایي د تاوتریخوالي اوسنۍ کچه د منلو نه ده او طالبانو ته په کار ده چې هوکړې ته ژمن پاتې شي. وروسته له هغه چې طالبانو له امریکا سره هوکړه لاسلیک کړه پر افغان ځواکونو یې د بریدونو د دوام خبر ورکړ. دې مسئلې په کور د ننه او بهر ګڼ غبرګونونه پارولي دي. خو طالبان وايي چې له افغان لوري سره د تاوتریخوالي پر کمولو په بین الافغاني مذاکراتو کې خبرې کوي.
- Trending
- Comments
- ورستی
