عراق کې پر امریکایي اډو راکیټي بریدونو مرګ ژوبله اړولې ده

په عراق کې د امریکایي ځواکونو پر اډه راکیټي بریدونه شوي دي. د رسنیو د راپورونو له مخې په دې بریدونو کې یو امریکایي او یو بریتانوی سرتېری وژل شوی دی. ددې تر څنګ ګڼ نور ټپیان شوي دي. ویل کېږي چې د امریکا پر دغه تاجي نومې نظامي اډه اتلس راکټ توغول شوي دي. تر اوسه ددغه برید مسوولیت چا نه دی منلی او نه یې هم امریکا پړه پر کوم لوري اچولې ده. امریکایی چارواکو ویلي چې د هر څه په اړه به تر اوږدو څېړنو وروسته پرېکړه وکړي. د امریکا د بهرنیو چارو وزیر مایک پمپیو بیا ویلي واشنګټن او لندن هر څه په دقیقه توګه څېړي او په ګډه به د غبرګون په اړه پرېکړه کوي.