د غزني ولایت په واغظ ولسوالۍ کې د کرکټ ( اختریز ټورنمینټ) سیالۍ د شمشېر اتلانو لوبډلې په بریا پایته ورسېدې. دغه سیالۍ چې د ۱۴ لوبډلو په کډون د کوچني اختر په لومړۍ ورځ پیل شوې وې، نیمه پایلوبو ته یې د شمشېر اتلانو، څاکر، ادرو بابا او حسن خیلو لوبډلو لار موندلې وه. له نیمه پایلوبو څخه د شمشېر اتلانو او ادروبابا لوبډلو پایلوبې ته لار پیدا کړه. په پایلوبه کې د شمشېر اتلانو لوبډلې د پچې په ګټلو سره لومړی د توپ وهنې پرېکړه وکړه او په ټاکلو ۲۰ اورونو کې یې د صابر کاکړ د ۱۰۳ او بلال کاکړ د ۵۶ منډو پر مټ سیالې لوبډلې ته د ۲۱۴ منډو هدف وټاکه. په ځواب کې یې د ادرو بابا لوبډلې د ټولو لوبغاړو په سوځیدو یوازې ۱۷۷ منډې جوړې کړې او لوبه یې د ۳۶ منډو په توپیر بایلوده.
- Trending
- Comments
- ورستی
