د اسیا د ملتونو د فوټسال جام سیالیو پایلوبه د ایران او تایلنډ لوبډلو ترمنځ ترسره شوه، په دې پایلوبه کې ایران څلور د یو په وړاندې کوربه تایلنډ ته ستره ماتې ورکړه او د۱۳ ځل لپاره یې د اسیا د فوټسال اتلولي وګټله. د اسیا د فوټسال اتلولۍ سیالۍ په تایلند کې پيل شوې وې او پرون پای ته ورسېدې. افغانستان هم پرون د اسیا د فوټسال اتلولۍ سیالیو د پلې اف په وروستی لوبه کې قرغزستان ته ماته ورکړه او نړیوال جام ته یې لار ومونده. افغان لوبډلې په دې لوبه کې پنځه پر درې قرغزستان ته ماته ورکړه او وتوانېده، چې د اسیا د فوټسال د پنځمې لوبډلې په توګه نړیوال جام کې خپل ځای ثبت کړي.
- Trending
- Comments
- ورستی
