په عراق کې د نړیوال ائتلاف پر اډې له توغندییز برید وروسته په دغه هېواد کې د ایران پلوه ملېشو پر مرکزونو هوايي بریدونه شوي دي. د سوریې د بشري حقونو څارونکې ډله وايي، د عراق د حشدالشعبي تنظیم ۲۶ وسلهوال د سوریې په دیرالزور ولایت کې په هوايي برید کې وژل شوي دي. د دیرالزور ولایت د البو کمال پر سرحدي سیمې چې دا برید پرې شوی، په تېرو څو میاشتو کې په ځلونو په دې خاطر حملې شوي چې ایران پلوي ځواکونه پهکې مېشت دي. تېر بریدونه د اسرائیلو له لوري بلل شوي وو، خو اسرائیلو تر اوسه پورې کومه حمله نه ده تأیید کړې. دغه برید څو ساعته وروسته له هغه شوی چې د بغداد په شمال کې پر تاجي اډه څو راکټونه ولګېدل.په دې راکټي بریدونو کې ۲ امریکایان چې یو یې پوځي او بل قراردادي دی او همداراز یو بریتانیايي پوځي وژل شوي او ۱۲ نور ژوبل شوي دي.
