روسیې هم له اروپايي هېوادونو سره پر سفرونو بندیز ولګاوه

تازه د روغتیا نړیوال سازمان اعلان وکړ چې په اروپايي هېوادونو کې کرونا ویروس عام شوی دی او بېړنی حالت یې رامنځ ته کړی دی. ددوی په خبره د اروپايي هېوادونو ګډه همکاري کولی شي د ویروس د لا پراختیا مخه ونیسي. له دې سره جوخت د روسیې حکومت اعلان کړی دی چې تر نامعلومې مودې پورې یې له اروپایي هېوادونو سره پر سفر او پروازونو بندیز لګولی دی. روسیه وایي چې په اروپايي هېوادونو کې د کرونا ویروس خطر خورا ډېر شوی دی نو دوی اړ دي چې د خپلو خلکو د ساتنې لپاره تدابیر ونیسي.