پروان کې د ترافیکي پېښې له امله ۹ کسانو ته مرګ ژوبله اوښتې

د پروان امنیتي مسوولینو په دغه ولایت کې د یوې ترافیکي پېښې له امله ۹ تنو ته د مرګ ژوبلې اوښتو خبر ورکړی دی. امنیتې مسوولینو ویلي، نن سهار په پروان ولایت کې د موټر سایکل او کرولا ډوله موټر د ټکر په پېښه کې دوه تنه مړه او ۷ نور ټپیان شوي دي. سرچینې ویلي چې د پېښې ټپیان ولایتي روغتون ته وړل شوي او د ټپيانو روغتیايي حالت د ډاډ وړ ښودل شوی دی.