کرکټ؛ انګلستان په خپل کور کې پاکستان ته ماتې ورکړه

د انګلستان کرکټ ملي لوبډلې د ټېسټ لوبلړۍ په لومړۍ لوبه کې پاکستانۍ لوبډلې ته په خپل کور کې یوازې ‏په یوې پاڼۍ کې د ۴۷ منډو په توپیر ماتې ورکړه. په دې لوبه پچه پاکستانۍ لوبډلې وګټله، لومړی یې د توپوهنې پرېکړه وکړه. د لوبې په لومړۍ پاڼۍ کې د شان مسعود ۱۱۵، عبدالله ۱۰۲، سلمان ‏اغا ۱۰۴، صعود شکیل ۸۲ او بابر اعظم ۳۰ منډو پر مټ ۵۵۶ منډې وکړې ‏او له لوبغالي بهر شول.‏ د ټاکل شویو منډو په ځواب انګلنډۍ لوبډلې یوازې د لوبې په یوه پاڼۍ کې د ۱۵۰ ‏اورونو په لوبولو او د ۷ لوبغاړو په سوځېدو سره ۸۲۳ منډې جوړې کړې او ځان یې ‏مخکې کړ.‏ په توپوهنه کې د نوموړې لوبډلې په ګټه هېري بروک ۳۱۷، جوی رووټ ۲۶۲، ‏زېک کوېلي ۷۸ او بین ډوکېټ ۸۴ منډې وکړې او لوبډله یې تر بري ورسوله.‏ پاکستانۍ لوبډلې بیا په دویمه پاڼۍ کې ۵۴.۵ اورونه ولوبول او د ‏خپلو ټولو لوبغاړو په زیان سره یې یوازې ۲۲۰ منډې وکړې او لوبه یې وبایلله.‏