تورخم پنډغالي کې کډوالو ته ۲۷ پاخه کورونه جوړ شول

د تورخم ښارګوټي د کډوالو په لنډمهاله پنډغالي کې له پاکستانه را ستنېدونکو ته ٢٧ پاخه کورونه جوړ شول. تورخم کې د کډوالو د لنډ مهالي پنډغالي مرستیال، حمدالله صابر ویلي، دا کورونه د حشمت شهیدي خیریه بنسټ له لوري جوړ شوي چې پرون د یوه ګډ پلاوي له لوري ګټې اخېستنې ته وسپارل شول. هغه زیاته کړې چې د دغو کورونو له ودانولو سره را ستنېدونکو افغانانو ته ګڼې اسانتیاوې رامنځته شوې.