پکتیکا کې ۵۷ ټنه تاریخ تېره درمل او بې کیفیته توکي سوځول شوي

د پکتیکا ولایت د عامې روغتیا ریاست مسوولینو ویلي، چې په یاد ولایت کې ۵۷ ټنه تاریخ تېره درمل او بې کیفیته توکي راټول او سوځول شوي دي. د مسوولینو په خبره دغه توکي یې په تېرو ۶ میاشتو کې د یاد ولایت د مرکز ښرنې له بېلا بېلو شخصي روغتونونو، کلینیکونو، درملتونونو او پلورنځیو څخه راټول کړي وو. ځايي مسوولین وايي، دوی لا هم هڅه کوي چې د یاد ښار له بېلا بېلو پلورنځیو، درملتونونو او روغتونونو څخه لیدنه وکړي او تاریخ تېره درمل او بې کیفیته توکي راټول کړي.