د امریکا دفاع وزیر د خپلو افغان همکارانو پر ملاتړ ټینګار وکړ

د امریکا د دفاع نوي وزیر پېټ هګسټ په خپلې لومړۍ کاري ورځ له افغان همکارانو پر ملاتړ ټینکار وکړ. هغه پنټاګون ته د ننوتو پرمهال امریکا ته په شرایطو برابر د افغان پناه غوښتونکو د لېږد د برخلیک په تړاو د یوې پوښتنې په ځواب کې ویلي، چې د خپلو افغان متحدانو ترڅنګ ولاړ دي. هګسټ د امریکا په ځایي وخت د دوشنبې په ورځ په پنټاګون کې د دفاع وزیر په توګه خپله دنده پیل کړه.