روزا اوتونبایوا د بهرنیو چارو له سرپرست وزیر سره کتلي

په افغانستان کې د ملګرو ملتونو د سرمنشي ځانګړې استازې، روزا اوتنبایوا د بهرنیو چارو له سرپرست وزیر سره په کتنه کې د يوناما د ماموريت د تمدید، نشه يي توکو سره د مبارزې، خصوصي سکټور د پیاوړتیا او بانکدارۍ ستونزو د هواري په اړه د ملګرو ملتونو هڅې تشریح کړې دي. ورته‌مهال سرپرست وزیر د بېلابېلو موضوعاتو په اړه د سرپرست حکومت دریځ څرګند کړی او د سرپرست حکومت د نظر د رعايت په صورت کې يې د ملګرو ملتونو په ټولو نوښتونو کې د همکارۍ ډاډ ورکړی دی.