افغان او پاکستاني لوري د کډوالو را ایستنې په اړه خبرې کړې دي

د پاکستان په کراچۍ ښار کې د افغانستان سر کونسل سید عبدالجبار تخاري د سېند له اعلی وزیر سید مراد علي شاه سره په کتنه کې د افغان کډوالو د جبري اخراج ضرب‌الاجل سربېره د هغو افغانانو اندېښنې شریکې کړې چې د قانوني اقامت اسناد لري. عبدالجبار تخاري وايي، دې کتنه کې پاکستاني لوري ډاډ ورکړی، چې پولیس به یې د کډوالۍ کارت لرونکو افغانانو له ځورولو څخه لاس اخلي.