ټرمپ د ۵ میلیونه ډالرو دایمي استوګنې  طلایي کارت معرفي کړ

د امریکا ولسمشر، ډونالډ ټرمپ، په دغه هېواد کې د استوګنې یو ځانګړی طلایي کارت معرفي کړ. ددغه کارت بیه ۵ میلیونه ډالر ده او په امریکا کې د دایمي استوګنې د جواز په مانا دی. په دغه کارت باندې د ټرمپ انځور هم چاپ شوی دی، او ټاکل شوې ده چې دا کارت به تر دوو اونیو کمې موده کې په رسمي ډول خلکو ته وړاندې شي. ټرمپ د خبریالانو پر وړاندې دغه کارت وښود او ویې ویل: «یوازې د ۵ میلیونه ډالرو لپاره، دا کارت ستاسو کېدلای شي. نوموړي همداراز وویل، دی لومړنی کس دی چې دغه کارت یې اخیستی دی.