د سرپرست حکومت د اقتصادي مرستیالۍ د دفتر عمومي ریاست د مرستیال په مشرۍ د سهامي شرکتونو رامنځته کېدو لپاره د کړنلارې جوړېدو په تړاو د ټاکل شوې کمېټې لومړنۍ غونډه ترسره شوې. د سرچینې د مالوماتو له مخې دغه غونډه په مرمرینه ماڼۍ کې جوړه شوې وه، چې د چارو ادارې، مالیې، صنعت او سوداګرۍ، اقتصاد، کانونو او پټرولیم عدلیې وزارت، د افغانستان بانک او د امارتي شرکتونو لوی ریاست استازو پهکې برخه اخیستې وه. سرچینې ویلي، د غونډې په پای کې پرېکړه وشوه، چې د سهامي شرکتونو د رامنځته کېدو او د هغوی د فعالیتونو د تنظیم په موخه باید منظمه کړنلاره جوړه شي.
- Trending
- Comments
- ورستی
