وسله والو طالبانو په بېلو بریدونو کې افغان سرتېرو ته تلفات اړولي دي

د تخار د والي ویاند محمد جواد هجري وایي طالبانو تېره ورځ په خواجه غار ولسوالۍ کې د افغان ځواکونو پر پوستو برید کړی دی چې ۱۹ سیمه ییز پاڅونکوونکي یې وژلي دي او پنځه نور ټپیان دي. د ارزګان د والي ویاند زړګی عبادي بیا وایي چې په ترینکوټ کې طالبانو پر پوستو برید کړی او پنځه پولیس یې وژلي دي. د بلخ ولایت په شولګره ولسوالۍ کې هم د طالبانو په برید کې نهه افغان سرتېري وژلي شوي او د یوه ماشوم په ګډون پنځه کسه په دې برید کې ټپیان دي. افغان ځواکونو هم طالبانو د تلفاتو د اړولو ادعا کړې ده. دغه نښتې داسې مهال کېږي چې طالبانو له امریکا سره جګړه درولې ده خو لا هم له افغان ځواکونو سره ددوی جګړې روانې دي.