د چین د صنعتي او مالوماتي ټکنالوژۍ وزارت مسئولينو د مې په ۱۷مه نېټه د ۲۰۲۲م کال د مخابراتو او مالوماتي ټکنالوژۍ د نړيوالې ورځې په لمانځغونډې کې اعلان وکړ، چې تر اوسه يې په کور دننه نږدې ۶ .۱میلیونه 5G سټېشنونه جوړ کړي او چين په نړۍ کې لومړی هېواد دی، چې پخپل نوښت يې 5G شبکه جوړه کړې ده.
د انټرنېټ پنځم نسل یا 5G شبکه په چین کې د ترانسپورټ، طبي چارو، ښوونې، کلتور او سیلانۍ په شمول زیاتو برخو کې کارول کېږي او د اړوندو پروژو شمېر يې له ۲۰ زرو څخه اوښتی دی.
(هیله)
