د ۱۹ کلنو نړیوال جام؛ افغان لوبډله سبا له نیپال سره لوبېږي

د ۱۹ کلنو د کم عمره نړیوال جام سیالیو په لړ کې افغان لوبډله سبا جمعه خپله دریمه لوبه د نیپال لوبډلې پر وړاندې تر سره کوي. د مالوماتو له مخې دغه لوبه به د جنوبي افریقا په ایسټ لنډن کې د کابل په وخت د غرمې په ۱۲ نیمو بجو پیل شي. دا په داسې حال کې ده، چې د افغانستان له ۱۹ کلنو د عمره ملي لوبډلې تراوسه په دې جام کې له پاکستان او نیوزیلیند سره لوبې کړې دي، په دواړو کې یې ماتې خوړلې ده. د یادولو وړ ډه، چې د کرکټ ۱۹ کلونو کم عمره نړیوال جام سیالۍ د جنوري په ۱۹مه د جنوبي افریقا په کوربه توب پیل شوې دي او ۱۶ لوبډلې پکې په څلورو بېلا بېلو ګروپونو کې لوبېږي.