افغانکرکټ بورډ د سریلانکا پر وړاندې د شل اوریزې لوبلړۍ لپاره د لوبغاړو نوملړ اعلان کړی دی. افغان کرکټ بورډ پرون ناوخته په یوه خبرپاڼه کې لیکلي، چې ابراهیم ځدراڼ به په دې لوبلړۍ کې د لوبډلې لوبډلمشر وي. په اعلان شوې لوبډله کې رحمن الله ګربز، حضرت الله ځاځی، اسحاق رحیمي، ګلبدین نایب، محمدنبي، نجیب الله ځدراڼ، عظمت الله عمرزی، کریم جنت، شرف الدین اشرف، فضل حق فاروقي، فریداحمد، نوین الحق، نوراحمد، وفادار مومند او قیس احمد شامل شوي دي. د یادولو وړ ده، چې راشدخان، سلیم ساپی او مجیب الرحمن د ټپونو له امله په دې لوبلړۍ کې نه دي اخستل شوي. په ورته مهال د سریلانکا کرکټ بورډ هم یادو سیالیو ته لوبډله اعلان کړې ده.د دواړو لوبډلو ترمنځ شل اوریزه لوبلړۍ د روانې فبرورۍ میاشتې په ۱۷مه نېټه پیلېږي.
- Trending
- Comments
- ورستی
